心理準備

由 yahoo blog 到 Facebook , 已經有 6 年時間 , 默默儲起一份貓朋狗友嘅名單 , 亦察覺一眾嘅毛小孩 , 個個都長大了 , 係時候同大家做定心理輔導 !

假如愛寵往彩虹 , 我嘗試用另一角度看 , 生命意義不在乎長短 , 最重要係開心與否 ! 貓咪我們早巳萬般寵愛 , 比街上毛孩更溫暖 , 做主人父母 , 既然上天要將貓咪帶走 , 她們將要去嘅地方 , 一定比而家更幸福 ! 如父母仍肝腸寸斷地痛下去 , 貓咪會帶著遺憾而去新地方 , 你們忍心嗎 ?

2003 年沙士突然帶走貓婆婆 , 我也試過肝腸寸斷嘅感覺 , 但我深信父母提早移民去一個地方 , 若干年後我自會重遇父母 , 不必急於見面 ….. 我要用剩下嘅時間 , 做 d更有意義嘅事 , 才有面目再見父母 ! 同樣道理也適用愛寵身上 !

我們可將對愛兒思念 , 化作文字 , 舒發自己嘅感覺 , 這些文字長存於網絡上供人閱讀 , 分享自己如何重拾正規 , 他日重聚也算是對愛寵有所待呢 !

只要明白上述嘅道理 , 我們應可減少失去愛寵嘅傷痛 , 當然我也明白知易行難 , 面對傷痛讓自己放聲大哭 , 盡情發洩一輪 , 就要提醒自己回覆正常生活 , 將愛延續於慈善工作上 , 因為養寵物嘅人 , 大多是感性的人 ….

獻給肥朱仔的母親

2013-11-30 2 am

肥豬仔

一個好喜歡串爆發哥仔嘅朋友 , 2 日前嘅 9 pm , 發生了養貓人最傷心嘅事 , 愛兒肥豬仔急性腎衰竭而病逝 , 終年九歲 ! 在貓界而言算是中生 , 那種傷心欲絕 , 淚水喊了乾了 N 次嘅情境 , 從她留言我深深感受到 ... 肥豬仔帶走了她的心 ... !

刻下做了一個重要決定 , 姨姨將會執番起支筆 , 寫出養貓人有共鳴 , 更易令主人瞭解貓星人嘅 blog , 為紀念肥豬仔與主人之間嘅大愛精神 !

 

2013-11-29 7:00 am

義賣的意義

今早朋友係 Facebook PM 我 , 想購買我 post 係義賣助毛小孩嘅物品 , 也奇怪我何以忽然咁狠心 , 義賣一 D 自己都唔捨得 , 朋友送 , 旅行精品等有紀念價值嘅物品 ?

我的朋友 , 餅發粉絲 , 親友也許存在相同疑問 ? 就此解釋一吓 ....

第一 ) 當我看見義工 post 上去嘅流浪貓相 , 尤其係 La Pro , Bebe , 正正反映街上嘅生命 , 原來是我們生活中不可割嘅現實 , 毛小孩冒雨於冷風揾食 , 被虐待受傷 , 被同類打傷 , 生病被遺棄 , 一個又一個小故事 , 看後心內戚戚然 !

當然我不是救世者 , 不能逐一去幫 , 持續去幫 ? 但斷不可以此為由 , 否定上面目睹嘅畫面 , 係不存在近在咫尺嘅街道上 ? 故此選擇盡力而為 !

你或許反駁非洲更多日日餓死人事件 , 但他們有國際社機構為其發聲 , 奈何香港街上貓狗 , 誰人關注誰人為毛小孩發聲 , 爭取尊重生命嘅訊息 ?

第二 ) 我和餅爸只有餅發 , 沒有下一代 ! 有日問餅爸 , 2 老回到天家 , 貓爺嫲公婆傳落嚟嘅手飾如何處理 , 餅爸答 : 只有傳至同姓子侄那一代 , 如何處理無法再得知 ? 我即時叮了一吓 ….

人到某一個年紀係會明白 , 萬般帶不走嘅道理 , 與其看不見 , 倒不如趁自己仍有決定權 , 將一些紀念品 , 2手物變得有價值 , 奉獻予小動物 , 那是雙贏嘅方法 !

只要將紀念品嘅影像可永存心中 , 即令小動物受惠 , 這種感動你同我都可以擁有 , 美好嘅回憶 , 總好過將一舊 $ 變成實物 , 放係家中觀賞 ! 小時候學過一句古文 : 獨樂樂不如眾樂 , 即係話自己一個人賞音樂所產生嘅樂趣 , 係不及一班人欣賞嘅歡悅 …

朋友 , 粉絲 , 親友們 , 只要稍為清理家中嘅唔等駛物品 , 係可以令毛小孩受惠 , 你地輕而舉執吓屋企 , 就變成一件善事 , 何樂而不為 ?

想知多些 , 可個別 PM我 , 謝 ….

2013-11-29 3:00 am

白白叩謝善心人

 

流浪唐狗白白醫療費用 , 經各位善長 3 天的努力 , 善款由 $ 1500 標升至 $ 32000 ! 白白奮力起身叩謝大家 !

看水蛇春咁長嘅入數記錄 , 感謝每位捐款人 , 捐物係 Facebook 義賣助毛小孩的人 , 幫手瘋傳的人 ....

https://www.facebook.com/groups/154237194783948/  ( 義賣 facebook )

 

 

義工 May Ng : 能籌到這個數已感謝萬份. 何生亦交託我向大家言謝, 原來還有咁多人關心毛孩…..佢好開心.

 餵狗叔叔微薄既收入已用哂黎照顧自己既 及 流浪既 貓狗, 無能力擔起大筆 醫療費 既佢就只是嘆氣 “看見了唔通唔理咩”~~

版主 : 看 , 人間有情 , 原來香港仲有架 !

白白進展公告 :

https://www.facebook.com/may.ng.5496683/media_set?set=a.10202302593472059.1073741835.1408075503&type=1

 

 

 

 

弊 ! 阿娘正常番 ..

Curious : 弊傢伙 ! 阿娘正常番 , 又捉我 2 兄弟嚟攪攪震 , 趁佢未入房食飽 D !

Biscuit : 阿娘將 10 周年結婚紀念日 , 爸爸用作慶祝同買禮物嘅錢 , 買左百幾隻杯去義賣 , 幫唐狗白白同貓 B 融融籌募醫療經費 , 應該有排阿娘賣架 !

Curious : 但係居然 2 日賣淨 35 隻 , 好多姨姨見到都義不容詞幫手 , 仲 forward 去 FB , Whataspp .... 網絡力量好犀害 !

照顧白白嘅義工 Uncle Ho 用 credit card 顶住白白成 21000 費用 , 有個神秘人姨姨捐出 $ 8000 , 加埋其他善款 , 足夠俾叔叔還卡數 , 唔駛俾利息 ! 而融融那邊都夠用 , 阿娘係咪又得閒去玩影孖寶兄弟 ?

特急 -- 為唐狗白白駁骨手術義賣

臨近聖節 , 各位善心人想必準備禮物送予親友 , 大家能否考慮今次義賣的 --- 德國月亮貓瓷杯 , 為受虐需進行駁骨手術唐狗白白籌募經費 , 預計 3 至 4 萬手術費盒 , 目前只籌募了 $ 9000 請鼎相助 ! 出力係 whatsapp 轉載 ....

 

 

https://www.facebook.com/may.ng.5496683/media_set?set=a.10202302593472059.1073741835.1408075503&type=1

 

Goebel 355 ml 8 安士杯 , 每隻 $ 60 元 , 一套  3  件順序 A , B , C , 款可獨隻購賣 ! 請於facebook 登記找趙家發作實 ! https://www.facebook.com/karfat.chiu

 

 

善款請入HSBC -- 047 1 077966 户名 NG xxx 見入數紙付貨 , 荔枝角 MTR 交收 ! 所有捐款及醫療單據會陸續上載， 感謝感謝.

 

 

 

 

白白的故事

餵狗叔叔係大圍山上見到已失跡一星期既 '白白' 拖住腳回來 平時摸唔到 但今次卻輕易捉到, 叔叔何生已 即時帶往獸醫處 照xray後腳骨折斷 頭頂有牙孔似被咬傷 現請求各善人幫忙醫療費，何生能力實在有限 很希望大家能幫上一把.

6/11: 上午手術, 收到電話白白要截肢, 因麻醉後見兩骨已刺通皮, 亦估計受傷超過一星期, 骨髓炎可能性甚高….接回會好轉可能性少於20%. 經商量後, 已叫停手術, 安排今晚轉院, 攞多個意見……..
晚上轉到診所, 醫生不多說, 看了看報告, XRAY 解釋了手術會進行外支架駁骨, 及BONE GRAFT治療….感恩.

7/11: 手術順利完成啊, 保得住隻腳, 希望佢可以順利康復.

痛得微抖既白白 頭上有不少既牙洞 這孩子想是常被欺負 溫順既白白 你要加油

10/11 開始嘗試抹身同身上既痂同血漬……白白望望我, 起身轉左個圏…伏身合著眼. 白白乖, 不要怕, 一切都會更好…只有更好. ^^


** 變得複雜既手術 醫療費已超過兩萬， 但至今只籌到 9000 ~~>_<~~ . 餵狗叔叔微薄既收入已用哂黎照顧自己 及 流浪既 貓狗無能力擔起大筆 醫療費 既佢就只是嘆氣 “看見了唔通唔理咩”~~ 好希望好希望大家能幫他一把幫 感謝感謝

求助人 May NG ....

 

善款入银行紀錄 

善

今天看國家地理雜誌 ,目睹巴西 8 , 9 歲的小童 , 用獨木舟 3 個成羣舊力追上河上的渡輪 , 冒生命危險把繩鉤在船边上船 , 为的是賣些生果飲品予遊客 , 每天只做了 10 里拉生意 , 有時更要用 4 小時才能扒回岸上 !
我家 Biscuit 坐大脾一同陪看 , 那一刻我摸著毛孩的手 , 心裹说 : 香港有父母的毛孩多幸福 , 相比巴西小朋友 , 為一口飯冒險 ,人的價值到底在那裹 !
上一代人常說下世投胎要做人 , 我想未必吧 ! 香港怨夭怨地叫辛苦的人 , 請反思一吓自已 , 你今世對社會有什麽貢獻 ?
今天起每天做一件善事 , 簡單如幫人開吓門 , 問吓人住幾楼按下掣 , 也是積福積善積得 !